www.transportauthority.gov.et

 ወደ ትራንስፖርት ባለስልጣን ድረ ገጽ እንኳን በደህና መጡ!!!

የኢትዮጵያ ዋነኛው የልማት አጀንዳ ሰፊ መሠረት ያለው፣ ፈጣን፣ ቀጣይና ፍትሐዊ የኢኮኖሚ ዕድገት ለማስመዝገብ ልማትን ማፋጠንና ድህነትን ማስወገድ ነው፡፡ ይህን ዓላማ ለማሳካት መንግሥት የ5 ዓመት የዕድገትና ትራንስፎርሜሽን ዕቅድ አዘጋጅቶ ወደ ትግበራ ከተገባ ሶስት የበጀት ዓመት አሳልፈን አራተኛውንም እያገባደድን እንገኛለን፡፡

የመንገድ ትራንስፖርት አቅርቦት ለጤና፣ ለትምህርት፣ ለውሃ አቅርቦት፣ ወዘተ በአጠቃላይ ለማንኛውም የልማት እንቅስቃሴዎች በጣም አስፈላጊ ከሆኑት የመሠረተ ልማቶች አንዱ ነው፡፡ በዕድገትና ትራንስፎርሜሽን ዕቅዱ ውስጥ ዘርፉን አስመልክቶ የተቀመጡ ዕቅዶችና ግቦች ሙሉ ለሙሉ ተግባራዊ እንዲሆኑ የዘርፉ አገራዊ ስትራቴጅክ ዕቅድ ተዘጋጅቶ ተግባራዊ እየሆነ ይገኛል፡፡ እስከ አሁን ያለው የዕቅድ አፈጻጸማችን በጥሩ ሁኔታ ላይ የሚገኝ ቢሆንም በመንገድ ትራፊክ ደህንነት ላይ ግን የተጠበቀውን ለውጥ ማምጣት ባለመቻላችን ትኩረት ሰጥተን መስራት ይጠበቅብናል፡፡

በመሆኑም ለ2006 በጀት ዓመት በመንገድ ትራንስፖርት ዘርፍ የሚታዩ ችግሮችን የሚፈቱ ስትራቴጂያዊ የመፍትሔ እርምጃዎች ተቀርፀው ተግባራዊ እየተደረጉ ሲሆን፤ ለተግባራዊነቱ ከፈጻሚ እስከ ባለድርሻ አካላት ድረስ ቅንጅታዊ አሰራርን በማጠናከር ተጨባጭ ውጤት ለማስመዝገብ በመረባረብ ላይ እንገኛለን፡፡

የ2006 በጀት ዓመት ዕቅድ መነሻዎቻችን በዋናነት የ2005 በጀት ዓመት ዕቅድ አፈጻጸም፣ የአምስት ዓመቱ የእድገትና ትራንስፎርሜሽን ዕቅድ፣ የዘርፉ የ5 ዓመት ስትራቴጂያዊ ዕቅድ፣ እንዲሁም አገራዊ የሲቪል ሰርቪስ የማሻሻያ ፕሮግራሞች ናቸው፡፡ ስትራቴጂያዊ የትኩረት መስኮቻችንም የመንገድ ትራፊክ ደህንነት፣ የጭነት እና የህዝብ ትራንስፖርት አገልግሎት ብቃት፣ የትራንስፖርት ፕላኒንግና ዘመናዊ የመረጃ ሥርዓት እንዲሁም የመንገድ ትራንስፖርት ዘርፍ የማስፈጸም አቅም ናቸው፡፡

ሥለሆነም በበጀት አመቱ በዘርፉ የቀሩንን አገራዊ ስትራቴጂያዊ የትኩረት መስኮችን ለማስፈፀም በዘርፉ ተሰማርቶ የሚገኝ መላው የመንግስትና መንግስታዊ ያልሆኑ ተቋማት ሰራተኞች፣ ትራንስፖርተሮች፣ እንዲሁም መላው ህብረተሰብ የበኩሉን ድርሻ እንዲወጣ እያሳሰብኩ፤ የመንገድ ትራፊክ አደጋን በጋራ ለመከላከል ሁላችንም የድርሻችንን እንወጣ እላለሁ፡፡

                                                                             የትራንስፖርት ባለስልጣን

We have 2 guests and no members online

888 ነፃ የስልክ ጥሪ በማድረግ ስለ ትራንስፖርት ባለስልጣን መስሪያ ቤት ማወቅ የሚፈልጉትን መረጃ ማግኘት ይችላሉ!